Ranko Radosheviç i njohur si “Eskobar” është ekzekutuar mëngjesin e sotëm pranë një pike karburanti në Beograd.
Mediat vendase bëjnë me dije se krimi ka ndodhur rreth orës 11:00 dhe se viktima ishte një person i njohur më parë për policinë, i cili ndër të tjera, merrej me shitjen e makinave të blinduara.
Mësohet se dy persona të maskuar me kapuçë të zinj dhe me maska kirurgjikale kanë zbritur nga mjeti i tyre në pikën e karburantit dhe kanë nisur të shtënat ndaj anëtarit të klanit Nikshiq të Malit të Zi.
Emri i tij u përmend në publik, si pronar i një makine, e cila u gjet në garazhin e Marko Miljkoviqit, krahut të djathtë të Veljko Belivuk. Ranko Radosheviç është i njohur për publikun edhe si “Ranko Eskobar”, me origjinë nga Mali i Zi, gjegjësisht nga Nikshiqi.
